ცოტა ხნის წინ, ვაშინგტონში, სმითსონიანის გალერეაში, ბარაკ და მიშელ ობამების პორტრეტები გამოფინეს, რომელზეც ბევრს საუბრობდნენ დამთვალიერებლები.

პორტრეტების გამოფენიდან რამდენიმე კვირაში, ფეისბუკზე ორი წლის გოგონას ფოტო გამოჩნდა, რომელიც აღფრთოვანებული უყურებს მიშელ ობამას პორტრეტს.

ფოტო ვირუსულად გავრცელდა სოციალურ ქსელებში და მიშელ ობამამდეც მიაღწია. ამერიკელების საყვარელმა პირველმა ლედიმ კი მასთან შეხვედრა გადაწყვიტა და უფრო მეტიც, 2 წლის პარკერთან ერთად იცეკვა კიდეც, ვიდეო კი თვითერზე ატვირთა წარწერით:

"პარკერ, ძალიან მიხარია, რომ შენთან შეხვედრის (და შენთან ცეკვის) შანსი მომეცა. განაგრძე ოცნებები... და იქნებ, ერთ დღეს მე შევხედო სიამაყით შენს პორტრეტს" - წერს მიშელ ობამა.