მას შემდეგ რაც ბრიტანელმა მსახიობმა გარი ოლდმენმა დამსახურებული ოსკარი მიიღო, საკუთარი ჯილდოები შეკრიბა და ბოულინგის თამაში გადაწყვიტა. ეს ერთ-ერთი ფოტოა ახალი ფოტოსესიიდან.

ოსკარი საუკეთესო მამაკაცი მსახიობის კატეგორიაში, 60 წლის ბრიტანელმა მსახიობმა, გარი ოლდმენმა, უინსტონ ჩერჩილის როლის შესრულებისთვის მიიღო ფილმში Darkest Hour.

ეს მისი პირველი ოსკარი და მეორე ნომინაციაა.

მსახიობმა სამადლობელი სიტყვისას განსაკუთრებული მადლობა 99 წლის დედას გადაუხადა. ემოციურ გამოსვლაში ის კინაღამ ატირდა და განაცხადა, რომ დედამ მისცა ახალგაზრდა ბიჭს ძალა და ოცნებები, გამხდარიყო მსახიობი.

„დედა , ჩაიდანი დაადგი.სახლში ოსკარი მომაქვს“ - მიმართა მსახიობმა დედას სცენიდან.