დიდ ბრიტანეთში ყოფილი რუსი ჯაშუში მოწამლეს.

BBC-ის ცნობით, მამაკაცი, რომელიც უილტშირში მოწამლეს და რომლის ჯანმრთელობის მდგომარეობა კრიტიკულია, ყოფილი რუსი ჯაშუშია, რომელიც რუსეთში ცხოვრების დროს ინფორმაციას ბრიტანეთის დაზვერვას აწვდიდა.

გამოცემის ცნობით, სერგეი სკრიპალს ბრიტანეთის მოქალაქეობა 2010 წელს მიენიჭა, ვაშინგტონსა და მოსკოვს შორის „ჯაშუშების გაცვლის“ დროს.

66 წლის სკრიპალმა და მისხმა თანმხლებმა ქალმა ერთერთ სავაჭრო ცენტრში გონება დაკარგეს. მათი საავადმყოფოში გადაყვანის შემდგემ, მათ სისხლში მომწამვლელი ნივთიერება აღმოაჩინეს. ჯერჯერობით უცნობია რა ნივთიერებით მოწამლეს ისინი.

ბიბისის ცნობით, ყოფილი ჯაშუში ამჟამად გადარჩენისთვის იბრძვის.

პოლკოვნიკ სკრიპალს, რომელიც ყოფილი რუსი ოფიცერია, ბრიტანეთის სასარგებლოდ ჯაშუშობისთვის , 2006 წელს რუსეთმა 13 წლიანი პატიმრობა მიუსაჯა.