პარიზის მოდის კვირეულზე დემნა გვასალიამ Balenciaga-ს შემოდგომა/ზამთარი 2018 კოლექცია წარადგინა და ლამის ყველანი დაგავრწმუნა, რომ გაგიჟდა, ნამდვილად გაგიჟდა.

დემნას კოლექციები ქართველებისთვის ხშირად ღიმილისმომგვრელია, რადგან მარტივად აღმოაჩენთ 90-იანი წლების დეტალებს. ამჯერად კი კოლექციის პირველი, მეორე, მესამე და შემდეგი ლუქები იმდენად „არამაიმუნური“ იყო, ჩავთვალეთ, რომ დემნამ თავი დაკარგა, მთელი მსოფლიო შეშალა და თვითონ ამ ყველაფერზე უარი თქვა, მაგრამ ნურას უკაცრავად. ჩვენების ბოლოსკენ კვლავ გამოჩნდა დემნას ლუქები, აი ისეთი, მოდის ინდუსტრიას რომ „ტროლავს“ და ქართველებს კარგად აცინებს.

აღსანიშნავია, რომ ახალი კოლექციით, ბალენსიაგამ ახალი აქცია დააანონსა. ბრენდი მსოფლიო სასურსათო პროგრამას მხარდაჭერას უცხადებს და ერთჯერადად 250,000 ევროს ურიცხავს, ხოლო ყოველი გაყიდული პროდუქტიდან 10%-ს.

რამდენიმე ლუქზე კი ტელეფონის ნომერი იყო დაწერილი. მოგვიანებით, სოციალურ ქსელებსი გავრცელდა ინფორმაცია, რომ ხალხი ამ ნომერზე რეკავდა და "ბალენსიაგას" ოფისში ხვდებოდა. როგორც გაირკვა, ეს "ბალენსიაგას" ოფისის ნომერი იყო და ხალხს რობოტი პასუხობდა.

როგორც მოსალოდნელი იყო, მომენტის ყველაზე არაპროგნოზირებადი ქართველი დიზაინერის დემნა გვასალიას კოლექციის ნახვისას, მსოფლიო დონის მოდის კრიტიკოსები აღფრთოვანდენ და უფრო მეტიც, მოდის ბიბლიად წოდებულმა Vogue-მ Givenchy-ს კოლეცია ჩამოხსნა მთავარი გვერდიდან და"ბალენსიაგა“ დადო.