დიახ, ჩვენი ეჭვები გამართლდა! Spice Girls-ი პრინცი ჰარისა და მეგან მარკლის ქორწილში იმღერებს.

ამის შესახებ ჯგუფის ერთ-ერთმა წევრმა, მელანი B.-მ გადაცემაში The Real სტუმრობისას შემთხვევით გაამხილა.

მელანიმ წამყვანების ეშმაკურ კითხვებს ვერ გაუძლო და გამოტყდა, რომ ბენდი ქორწილში იმღერებს.

წამყვანის კითხვაზე, იცნობს თუ არა ვინმეს, ვინც ქორწილშია დაპატიშებული, მელანიმ თქვა, რომ ის ქორწილში მიდის.

„დიახ, მე ვიქნები... არ ვიცი , ეს უნდა ვთქვა თუ არა... ხუთივე ვიქნებით, Spice Girls" - თქვა მელანიმ.

მისი საუბრის შესახებ ოფიციალური განცხადება ჯერჯეორბით არავის გაუკეთებია. თუმცა, მას შემდეგ, რაც Spice Girls-ის აღდგენის შესახებ ოფიციალურად გახდა ცნობილი, გავრცელდა ინფორმაცია, რომ ისინი სამეფო ქორწილში იმღერებდნენ, რადგან მეგან მარკლი მათი დიდი ფანი იყო.

თებერვლის დასაწყისში ბენდის წევრებმა გაერთიანება ერთობლივი განცხადებით დაადასტურეს.

შეგახსენებთ, მიმდინარე წლის 27 ნოემბერს კი სამეფო ოჯახმა ოფიციალური განცხადება გაავრცელა, რომ 33 წლის ჰარი და 36 წლის მეგანი დაინიშნენ და ქორწილი გაზაფხულზე გაიმართება. სამეფო ქორწილი 2018 წლის 19 მაისს, ვინდსორის სასახლეში შედგება.

ცნობილი გახდა ისიც, რომ მეგანმა სამსახიობო კარიერაზე უარი თქვა, კონკრეტულად, მან დატოვა სერიალი Suits-ი, რომლის წყალობითაც მოიპოვა პოპულარობა. სამეფო ქორწილამდე მეგანს სარწმუნოებისა და მოქალაქეობის შეცვლა მოუწევს. გააუქმა ფეისბუკის, თვითერისა და ინსტაგრამის ექაუნთები გააუქმა.

ბრიტანეთის სამეფო პროტოკოლის თანახმად, ქალი , რომელსაც „სამეფო სისხლი“ არ აქვს, პრინცესა გახდება. შესაბამისად, მას პრინცესა მეგანს არ დაუძახებენ, ისევე როგორც პრინცი უილიამის მეუღლეს, ჰერცოგინია ქეით მიდლტონს.

პრინცი ჰარისა და მეგანის რომანის შესახებ ცნობილი 2016 წლის ოქტომბერში გახდა.

პრინცი ჰარის ახალი რჩეულის ვინაობის გაგებისთანავე, ტაბლოიდები მსახიობის ცხოვრების თითქმის ყველა დეტალზე წერდნენ. დაიწერა ისიც, რომ მეგანის ფერადკანიანი დედის გამო, სამეფო ოჯახი მას არ მიიღებდა.

ამ ფაქტის შემდეგ სამეფო ოჯახმა წერილი გამოაქვეყნა და პრინცი ჰარისა და მეგან მარკლის რომანი ოფიციალურად დაადასტურა.