რუსეთის საგარეო საქმეთა მინისტრის სერგეი ლავროვის განცხადებით, აშშ ნატოს არაბირთვულ წევრ ქვეყნებს რუსეთის წინააღმდეგ ტაქტიკური ბირთვული იარაღის გამოყენებისთვის ამზადებს.

„ევროპაში ამერიკული არასტრატეგიული ბირთვული იარაღის შენარჩუნება, რომელსაც თან ახლავს „ერთობლივი ბირთვული მისიების“ დესტაბილიზაციის გამომწვევი პრაქტიკა, აფერხებს ბირთვულ განიარაღებას.

ამ მისიების ფარგლებში , ბირთვული იარაღის გაუვრცელებლობის შესახებ შეთანხმების უხეში დარღვევით, ნატოს არაბირთვული წევრი ქვეყნები მონაწილეობენ ამერიკული არასტრატეგიული ბირთვული შეიარაღების გამოყენების დაგეგმვაში და ჩართულები არიან შესაბამისი უნარების განვითარებაში.

ყველასთვის ნათელი უნდა იყოს, რომ ამერიკელი სამხედროები ევროპის ქვეყნების შეიარაღებულ ძალებს რუსეთის წინააღმდეგ ტაქტიკური ბირთვული იარაღის გამოყენებისთვის ამზადებენ“ - განაცხადა ლავროვმა.