ჩრდილოეთ კორეა ასადის რეჟიმს სირიაში უგზავნის სპეციალურ დანადგარებს, რომლითაც შესაძლებელია ქიმიური იარაღის დამზადება, ნათქვამია გაეროს სპეციალურ მოხსენებაში.
ტექსტში მოცემულია მონაცემები, რომ 2012 - 2017 წლებში დარეგისტრირებულია 40 ასეთი ტვირთი, რომელიც შეიცავდა მჟავაგამძლე ფირფიტებს, სარქველებს და მილებს. ასევე აღნიშნულია, რომ სირიის იარაღის მწარმოებელ ფაბრიკებსა და სამეცნიერო-ტექნოლოგიურ ინსტიტუტებში შემჩნეულია სპეციალისტები, რომელიც ჩრდილოეთ კორეაში სარაკეტო დანადგარებზე მუშაობენ.
ეს მოხსენება, რომელიც ოფიციალურად ჯერ არ გამოქვეყნებულა, მას შემდეგ მომზადდა, რაც დადასტურებულია ასადის რეჟიმის მიერ ქლორის შემცველი იარაღის გამოყენების ახალი ფაქტები. ასადი ამ ფაქტებს უარყოფს,
ამასთან, ქლორის გამოყენება მოხდა მას შემდეგ, რაც გაერომ 30 დღიანი ცეცხლის შეწყვეტის რეჟიმის შესახებ რეზოლუცია მიიღო.
აღსანიშნავია ისიც, რომ რუსეთმა გაეროს უშიშროების საბჭოში რეზოლუციას, რომელიც სირიაში ქიმიური იარაღის გამოყენებაზე საერთაშორისო გამოძიების შეეხებოდა, ვეტო სამჯერ დაადო.
მასალის გამოყენების პირობები






