„ვგრძნობ, როგორ მოძრაობენ"- ქალი გადიდებულმა საჯდომმა შეაწუხა და ისევ დაპატარავება სურს

ეს საინტერესოა - 16:51, 26 Feb, 2018

22553

ბრიტანეთის ქალაქ ბირმინგემის მაცხოვრებელმა სტარ დელგაიდისმა, რომელმაც პლასტიკურ ოპერაციებში 230 ათასი ფუნტი სტერლინგი დახარჯა, გადაწყვიტა, რომ საჯდომის იმპლანტები მოიშოროს. ამის შესახებ Daily Mirror-ი წერს.

გასული წლის დეკემბერში სტარმა დუნდულების გაზრდის მიზნით ოპერაცია გაიკეთა და სხეულში 650 კუბური სანტიმეტრი მოცულობის იმპლანტი შეიყვანა, ორჯერ მეტი ვიდრე მას სპეციალისტეი ურჩევდნენ. ამასთანავე მან ოპერაციამდე 25 კგ-ც მოიმატა, რომ ექიმებს შეძლებოდათ ზედმეტი ცხიმი სხეულის სხვა ნაწილებიდან დუნდულებში გადაეტანათ.

ოპერაციიდან ერთი თვის შემდეგ სტარი მიხვდა, რომ ძალიან დიდი იმპლანტები შეარჩია. მისი თქმით, ის ვერ მიეჩვია უცნაურ გრძნობას, როდესაც დაჯდომის დროს იჩენს თავს.

„ვგრძნობ, როგორ მოძრაობენ. მიუხედავად იმისა რომ გარეგნულად მომწონს, მინდა ისინი მოვიშორო“- განაცხადა სტარმა.

ბოლო 10 წლის განმავლობაში სტარ დელგაიდისმა ათეულობით პლასტიკური ოპერაცია გაიკეთა, მათ შორის მკერდის კორექცია 4-ჯერ, რინოპლასტიკაც 4-ჯერ, ხოლო ლიპოსაქცია 5-ჯერ. დუნდულების ოპერაციის წარუმატებელი გამოცდილების შემდეგ მან გადაწყვიტა, რომ პლასტიკური ოპერაციებისგან თავი შეიკავოს.

„მე ჩემს გარეგნობას ბოტოქსებით და ფილერებით გავიუმჯობესებ, აღარავითარი სილიკონი.“- აცხადებს ის.