არქეოლოგებმა ეგვიპტეში უძველესი ნეკროპოლი აღმოაჩინეს. სამარხები, სავარაუდოდ, ძველი ეგვიპტის მაღალი რანგის სახელმწიფო მოხელეებისთვის იყო განკუთვნილი.

მეცნიერების განცხადებით, ნეკროპოლში არსებული სამარხები ეგვიპტის თიტქმის მთელ ისტორიას მოიცავს - უძველესი სამეფოდან დაწყებული, პტოლემეების მმართველობის ეპოქით დასრულებული. კაიროს სამხრეთით მდებარე ნეკროპოლში სპეციალისტებმა 40 ქვის სარკოფაგი, ათასამდე პატარა ქანდაკება და სამკაულები იპოვეს იეროგლიფური წარწერით: "ბედნიერი ახალი წელი".

მეცნიერები ვარაუდობენ, რომ არქეოლოგიურ გათხრებს ადგილზე კიდევ 5 წელი დასჭირდება. ეგვიპტის სიძველეების მინისტრის განცხადებით კი, ბოლო წლების განმავლობაში ყველაზე მასშტაბური აღმოჩენა ქვეყანაში ტურისტული ნაკადის კიდევ უფრო გაზრდას შეუწყობს ხელს.