29 წლის ქალწული მალე შვილს გააჩენს - "არც მშობიარობის შემდეგ ვაპირებ სექსი მქონდეს"

ეს საინტერესოა - 12:48, 22 Feb, 2018

16005

29 წლის ლორენ რევალსი ივნისში ბავშვს გააჩენს, თუმცა ეს სხვა მშობიარობისგან და ორსულობისგან ძალიან განსხვავებული იქნება.

საქმე იმაშია, კანადელი ლორენი ქალწულია და ამის შეცვლას არც აპირებს.

ლორენს არასოდეს ჰქონია სექსი, მაგრამ მალე დედა გახდება ექსტრაკორპორალური განაყოფიერებით.

ლორენი მართლმორწმუნე რელიგიურ გარემოში იზრდებოდა და ადრეული ასაკიდან იცოდა, რომ „განსხვავებული“ იყო.

მას თანდაყოლილი ავადმყოფობა ჰიპოპიტუიტარიზმი აქვს, რა დროსაც ჰიპოფიზი სრულყოფილად ვერ ყალიბდება და ვერ გამოიმუშავებს ჰორმონებს.

„ამის გამო ძალიან, ძალიან დიდხანს ჰორმონალურ მედიკამენტებს ვიღებდი. მაგრამ მე მაინც ისეთი „ბრტყელი“ ვიყავი ჩემი თანატოლებისგან განსხვავებით... მათ მოეზარდათ მკერდი, დაიწყეს ბიჭებთან შეხვედრები, მე კი ...“ - ამბობს ლორენი.

მისი თქმით, დასცინოდნენ, იმის გამო რომ, არ ჰქონდა მკერდი, მედიკამენტების გამო კი ჰქონდა წონის პრობლემა, ასევე პრობლემები კბილებზე.

ლორენის თქმით, მისი ცხოვრება მას შემდეგ გაუმჯობესდა, რაც მკურნალობამ შედეგი გამოიღო და დანარჩენებს დაემსგავსა. თუმცა, არ შეცვლილა ერთი. მას კვლავაც არ ჰქონია სექსი.

მისი თქმით, რამდენჯერმა ე.წ. გაცნობით საიტებზე სცადა ბედი, თუმცა არაფერი გამოუვიდა, რადგან ერთხელ აკოცეს და ეს ძალიან უხერხული აღმოჩნდა მისთვის.

როგორც მომავალი დედა აცხადებს, ბედნიერია იმით, რომ კვლავ ქალწულია და მშობიარობის შემდეგაც არ აპირებს სქესობრივრად აქტიური გახდეს.

მისი თქმით, როდესაც შვილის ყოლა გადაწყვიტა, მთელი ოჯახი დადებითად შეხვდა ამ გადაწყვეტილებას.

ექსტრაკორპორალური განაყოფიერება (IVF) უშვილობის მკურნალობის დამხმარე მეთოდია, რომლის დროსაც ქალისა და მამაკაცის სასქესო უჯრედების შერწყმა ხდება ორგანიზმის გარეთ, სინჯარაში, ხოლო ამგვარად მიღებული ემბრიონი ქალის საშვილოსნოში ინერგება