შეგახსენებთ, "პრაიმტაიმის" ექსკლუზიური ინფორმაციით, შესაძლოა, "რუსთავი2"-ის 90%-იანი წილი ბიძინა ივანიშვილთან დაახლოებულმა პირებმა შეისყიდონ, საუბარია ასევე "კავკასუს ონლაინისა" და მასთან დაკავშირებული საიტების შესაძლო შესყიდვაზე.

შპს "დრონი.ჯი"-ს ხელმძღვანელი ერთმნიშვნელოვნად აცხადებს, რომ ინტერნეტ-გამოცემები ჩვეულ რეჟიმში აგრძელებენ მუშაობას, ხოლო კომპანია ორიენტირებულია ახალი ტექნოლოგიების დანერგვაზე. უკვე მეათე თვეა, ზემოთხსენებული პორტალებიდან "კავკასუს ონლაინს" არ ეკუთვნის  presa.ge და itv.ge, ხოლო droni.ge და people.ge, შპს "დრონის" საკუთრება გახლდათ და სწორედ ამ შპს-ს კუთვნილება გახდნენ presa.ge და itv.ge.

"ნებისმიერი მცდელობა, რომელიმე პოლიტიკური ძალა შეეცადოს ხელში ჩაიგდოს მედია-კომპანია, აღქმული იქნება რეპრესიად და ზეწოლად სიტყვისა და გამოხატვის თავისუფლებაზე, პასუხისმგებლობა კი დღევანდელ ხელისუფლებას დაეკისრება", - აცხადებენ კომპანიის ხელმძღვანელები.