იაშვილის კლინიკაში პატარა პაციენტებისა და მშობლების მხარდასაჭერად საქველმოქმედო ღონისძიება ჩაატარდა

ჯანმრთელობა - 09:31, 22 Feb, 2018

2392

21 თებერვალს მ. იაშვილის ბავშვთა ცენტრალური საავადმყოფოში ქალთა საერთაშორისო ორგანიზაციის (IWAG) წევრებმა, " ლეიკემიით დაავადებულ ბავშვთა დახმარების საერთაშორისო საქველმოქმედო ფონდმა" და იაშვილის საავადმყოფოს ონკო– ჰემატოლოგიურმა დეპარტამენტმა, პატარა პაციენტებისა და მშობლების მხარდასაჭერად საქველმოქმედო ღონისძიება ჩაატარეს.

სოლიდარობის ნიშნად, მოკლე კონცერტით წარსდგა თბილისის სახელმწიფო კამერული ორკესტრი "საქართველოს სიმფონიატა" ორკესტრთან ერთად ბახის ულამაზესი არია შეასრულა ამერიკის ელჩის მეუღლემ, ქალთა ორგანიზაციის წევრმა– ფრანჩესკა კელლიმ.

კონცერტამდე, ქალთა ორგანიზაციის წარმომადგენელმა და იმავდროულად მშობელთა საქველმოქმედო ფონდის დამფუძნებელმა მანანა ჩუბინიძემ წარმოადგინა 15 წუთიანი ვიდეო ფილმი, რომელიც ასახავდა მშობელთა საქველმოქმედო ფონდის მრავალწლიანი საქმიანობის ძირითად მიმართულებას –არტ თერაპიას და მის პოზიტიურ გავლენას მკურნალობის პროცესში მყოფ ბავშვებზე.

ღონისძიების ფარგლებში, ლიტვის ელჩმა გედრიუს პუოჯუნასმა, ლიტვის ერთ–ერთ საქველმოქმედო ფონდთან ერთად ფულად დახმარება გადასცა ონკო–ჰემატოლოგიური დეპარტამენტის პაციენტს 12 წლის სოციალურად დაუცველ გურამ ბოლქვაძეს.

ნოდრ დუმბაძის ქალიშვილმა ქეთევან დუმბაძემ ონკო–ჰემატოლოგიური დეპარტამენტის პატარა პაციენტებს თითოეულ მათგანს საჩუქრად გადასცა ნოდარ დუმბაძის ახლადგამოცემული მოთხრობების სრული კრებული.