„მოჩვენებების სამყოფელად“ ქცეული საშიში სანატორიუმი - რა ხდება კლინიკაში, სადაც ადოლფ ჰიტლერი მკურნალობდა (ფოტო)

ეს საინტერესოა - 13:00, 21 Feb, 2018

2434

ჟანგიანი საწოლები, სარეველათი დაფარული შენობები და ცარიელი კორიდორები, რომელთა კედლებიც დაფარულია გრაფიტით, მათზე ჩამოშლილი საღებავი - ის, რაც გიგანტური სამედიცინო დაწესებულებისგან დარჩა, საავადმყოფოსგან, რომელსაც დიდ ყურადღებას აქცევდა თავად ადოლფ ჰიტლერი და რომლის ტრავმასაც (მენჯის არეში) სწორედ ამ სამედიცინო დაწესებულებაში მკურნალობდნენ.

Beelitz-Heilstätten - კომპლექტი, რომელიც 60 შენობისგან შედგებოდა, იგი გერმანიის სამხრეთ-დასავლეთ ნაწილში მდებარეობს. სამედიცინო დაწესებულება მე-19-ე საუკუნის მიწურულს აშენდა და აქ ტუბერკულოზით დაავადებულ ადამაინებს მკურნალობდნენ, იგი ერთგვარ სანატორიუმს წარმოადგენდა. პირველი მსოფლიო ომის დროს იგი სამხედრო ჰოსპიტალად გადაკეთდა.

აღსანიშნავია, რომ 60 შენობისგან შექმნილი კომპლექტი ერთგვარ დასახლებას, სოფელს წარმოადგენდა, რომელსაც საკუთარი სურსათის მაღაზიები, საცხობები, საფოსტო ოფისი, რესტორნები და ენერგო სადგური ჰქონდა. მიუხედავად იმისა, რომ მსოფლიო ომებმა ეკონომიკური კრიზისები გამოიწვიეს, ამ სამედიცინო დაწესებულებას არავითარი საფრთხე არ შექმნია.

მეორე მსოფლიო ომის დროს ჰოსპიტალის რამდენიმე შენობა დაიბომბა, თუმცა იგი კვლავ განაგრძობდა ფუნქციონირებას. 1990 წელს სამხედროებმა კომპლექტი დატოვეს. ამის შემდგომ, 1995 წლისთვის საავადმყოფომ პროფილი შეიცვალა და პარკინსონით დაავადებულ პაციენტებს მკურნალობდნენ.

2000 წელს საავადმყოფო დაიხურა და ამის შემდეგ იგი მიტოვებულია. ამ დროისათვის მას უკვე „მოჩვენებების სამყოფელს“ უწოდებენ და სანახაობაც მის სახელწოდებას შეესაბამება.