31 წლის ამერიკელი მსახიობი ლინდსი ლოჰანი ლონდონში გამართულ Modest Fashion Week -ზე ჰიჯაბით მივიდა. აღნიშნული კვირეულის ფარგლებში მუსლიმი დიზაინერები ჰიჯაბებისა და არაბული სტილის კაბების ჩვენებას აწყობდნენ. ჰიჯაბით თავდაბურულმა ლოჰანმა თაყვანისმცემლებთან ფოტოებიც გადაიღო. აღნიშნულმა ქმედების გამო მსოფლიო მედია ლოჰანის მიერ ისლამის მიღების საკითხზე კიდევ ერთხელ ალაპარაკდა. თავდაპირველად ამ თემაზე ცნობები დასავლური მედიაში 2017 წელს გავრცელდა. პირველად ლინდსის ისლამით დაინტერესებაზე პრესა მაშინ ალაპარაკდა, როცა მსახიობი ყურანით ხელში დააფიქსირეს. შემდეგში კი ლინდსიმ საკუთარი ინსტაგრამიდან ყველა ფოტო წაშალა და სანაცვლოდ ტრადიციული ისლამური მისალმება Alaikum salam დაწერა.

ერთ-ერთ ინტერვიუში განაცხადა, რომ ბოლო დროს დიდ ყურადღებას აქცევდა სულიერ სამყაროს და ამის შეცნობაში ყურანი ეხმარებოდა.

"ამერიკაში ყურანი არ არის სათანადოდ დაფასებული. მაგრამ საბოლოოდ რისიც ჩვენ ყველას გვჯერა არის ღმერთი და სულიერ მოძღვარი" - განაცხადა ლოჰანმა

აღსანიშნავია ისიც, რომ ლინდსი ბოლო პერიოდში აქტიურად სტუმრობდა სირიასა და თურქეთს.

გასული წლის გაზაფხულზე ლოჰანი ტაილანდის სანაპიროზე მუსულმანურ საცურაო კოსტიუმში, ბურკინში გამოჩნდა.

ისლამის მიღებასთან დაკავშირებით ლინდსი ლოჰანს კომენტარი ჯერჯერობით არ გაუკეთებია.