განათლება და დიპლომი თანამედროვე ადამიანის მთავარი სავიზიტო ბარათია, რომლის მოპოვებას დიდი დრო, ძალისხმევა და თავდადება სჭირდება. აიდა გოზალოვა იმ ადამიანებს შორისაა, რომელმაც ძალიან ბევრი იშრომა, რათა თავისი საქმის პროფესიონალი გამხდარიყო.

2002 წელს დაამთავრა თბილისის სახელმწიფო სამედიცინო უნივერსიტეტი და დამთავრებიდან დაახლოებით ერთ თვეში გერმანიაში გაემგზავრა. 5 წლიანი თავდაუზოგავი შრომის და წარმატებით ჩაბარებული გამოცდების შემდეგ გახდა ონკო-ჰემატოლოგი, კლინიკური ონკოლოგი და ბოლოს პალიატიური მედიცინის სპეციალისტი. რამდენიმე წელიწადში კი გერმანიის ერთ-ერთ ყველაზე დიდ ონკოლოგიურ ცენტრში უფროს ექიმად და ონკო-ჰემატოლოგად დაიწყო მუშაობა.

„6 წლის განმავლობაში ვმუშაობდი დასავლეთ გერმანიის ქალაქ ჰამის ევანგელური ეკლესიის ონკოლოგიურ ჰოსპიტალში. ვმართავდი როგორც ონკო-ჰემატოლოგიურ, ისე სოლიდური სიმსივნეების მქონე პაციენტების მედიკამენტოზურ თერაპიას, ვახორციელებდი ძვლის აუტოლოგიურ ტრანსპლანტაციას“.

გერმანიაში წარმატებული კარიერის მიუხედავად, აიდა გოზალოვა საცხოვრებლად ოჯახთან ერთად საქართველოში დაბრუნდა და დღეს ის „სამედიცინო კორპორაცია ევექსის“ ონკო-ჰემატოლოგიური მიმართულების ხელმძღვანელია.

დასავლეთ საქართველოს მასშტაბით ყველაზე დიდ და თანამედროვედ აღჭურვილ ონკოლოგიის ცენტრში, აიდა გოზალოვა ონკოლოგიურ პაციენტების მკურნალობის კურსს უცხოეთიდან მოწვეულ ონკოლოგებთან და ასევე იმ გუნდთან ერთად მართავს, რომლებმაც კვალიფიკაცია ევროპისა და ამერიკის წამყვან კლინიკებში აიმაღლეს.

„ქუთაისის ონკოლოგიის ცენტრში გვაქვს ყველა შესაძლებლობა პაციენტები თანამედროვე პროტოკოლების თანახმად ვმართოთ. თითოეული ჩვენგანი უშუალოდ ჩართულია პაციენტის დაავადების მიმდინარეობის ყველა ეტაპზე. ჩვენ მაქსიმალურად ვცდილობთ მოვახდინოთ არასასურველი გვერდითი ეფექტების პრევენცია, რაც მნიშვნელოვნად ზრდის დაავადების კარგი გამოსავლის შედეგს“.

საქართველოს წამყვანი ონკო-ჰემატოლოგი აიდა გოზალოვა გეოგრაფიული ხელმისაწვდომობის გათვალისწინებით ონკოლოგიურ პაციენტების მკურნალობის კურსს თბილისსა და ქუთაისში ზედამხედველობს. თბილისში, ქავთარაძის 23 -ში მდებარე დიაგნოსტიკურ ცენტრში ონკოლოგიური პაციენტებისთვის სრული დიაგნოსტირების ჩატარება და საჭიროების შემთხვევაში მედიკამენტოზური მკურნალობის კურსის დანიშვნა შესაძლებელია.