დაუბრუნდება თუ არა ბრედ პიტი ჯენიფერ ენისტონს - People-მა მსახიობებთან დაახლოებული პირის კომენტარი მოიპოვა

ეს საინტერესოა - 15:42, 20 Feb, 2018

2125

ჯენიფერ ენისტონისა და ჯასტინ ტერუს მოულოდნელი დაშორების შემდეგ სოციალურ ქსელებში დაიწყო იმის განხილვა, განაახლებდნენ თუ არა ურთიერთობას ყოფილი შეყვარებულები - ჯენიფერ ენისტონი და ბრედ პიტი . თაყვანისმცემლების იმედს ის ფაქტი აღვივებდა, რომ ბოლო 13 წლის განმავლობაში ორივე მათგანი ერთდროულად პირველად დარჩა კენტად.

გამოცემა People შეძლო მოეპოვებინა შიდა წყაროსგან ინფორმაცია, რომელიც ორივე მათგანს კარგად იცნობს და შეეძლო მათ ურთიერთობაზე ესაუბრა. როგორც ჩანს მისი კომენტარი ენისტონი-პიტის კვლავ წყვილად ხილვის მსურველებს არ მოეწონებათ:

„მათ ერთმანეთი საუკუნეა არ უნახავთ, ისინი ერთმანეთს არ სწერენ გამამხნევებელ მესიჯებს გადაღებების ან ცერემონიების წინ. ათწლეულზე მეტია მათ კავშირი აღარ აქვთ და გასაკვირი არაა, რომ ისინი ახლა სრულიად განსხვავებული ადამიანები არიან და მათ საერთო არაფერი დარჩათ.“

შეგახსენებთ, ენისტონი და პიტი ხუთწლიანი ქორწინების შემდეგ 2005 წელს დაშორდნენ. დაშორების მიზეზი ბრედ პიტსა და ანჯელინა ჯოლის შორის „მისტერ და მისის სმიტების“ გადასაღებ მოედანზე დაწყებული რომანი გახდა. იგივე წყარო აღნიშნავს რომ : „ისინი დაშორდნენ სერიოზული წინააღმდეგობების გამო და მათ კარგად ახსოვთ, რატომ ვერ შეძლებენ ერთად ყოფნას, ამას დაუმატეთ ბრედის 6 შვილის სიტუაცია და კიდევ ენისტონის და პიტის პირადი გულისტკენები სხვა პარტნიორებთან დაშორების გამო. დაივიწყეთ, ისინი აღარასდროს იქნებიან წყვილი.“