"მავზოლეუმის წინ, ყარაულის შეცვლის პროცესს მაგონებს დღევანდელი პოლიტიკური მდგომარეობა. წინა და ახალ ხელისუფლებას ერთნაირად აცვიათ, ერთი სულისკვეთებით არიან გამსჭვალულნი, სახეები იცვლება, თუკი ადრე ისინი კუშტად იდგნენ, დღეს ეს ხელისუფლება ჯერ არ შემობრუნებულა სახით ჩვენკენ და არ გვაგებინებენ, რეალურად ვინ არიან, ამდენად, არ ვიცით, მივცეთ თუ არა უფლება, განვახორციელებინოთ რეფორმა.

ამ ქვეყანაში ხალხი ხელისუფლებისთვის არაფერს წარმოადგენს, მათ მხოლოდ არჩევნებზე ვჭირდებით. ხელისუფლებისთვის ხალხი მხოლოდ მაშინაა ჭკვიანი, როცა მათ ვირჩევთ, მაგალითად, თუ ახლა ჩვენ მარგველაშვილს მხარს არ დავუჭერთ, აღარ ვიქნებით მათთვის ჭკვიანები. რატომ უნდა ვიყო მე ისეთი "ჭკვიანი", რომ მარგველაშვილი ავირჩიო.

მარგველაშვილის კანდიდატურამ საზოგადოებაში გაუგებრობა შემოიტანა, მის მიმართ კარგი განწყობა არაა, სამაგიეროდ ჯერჯერობით ბიძინა ივანიშვილს აქვს რეიტინგი. მიძინებულ საზოგადოებას დღემდე საღათას ძილით სძინავს და თქვენ წარმოიდგინეთ ამ ხელისუფლებამ არ გამოაღვიძა ეს ხალხი.

ვაითუ ამ ხალხმა გაიღვიძა - ძალიან ცუდად წავა ხელისუფლების საქმე. ძალიან მეცინება როცა ამბობენ, რომ ბიძინა ივანიშვილი ცაიტნოტშია და არ იცის, რა გააკეთოს. ქვეყნის ფეხზე დაყენებას რა თქმა უნდა დიდი დრო დასჭირდება, ამასობაში ხალხი ფხიზლად უნდა იყოს", - ამბობს მამა ელიზბარი (დიაკონიძე).