"გვაქვს წითელას ეპიდაფეთქება, ერთადერთი პრევენცია არის აცრა"- ამირან გამყრელიძე

ჯანმრთელობა - 12:58, 20 Feb, 2018

2590

დაავადებათა კომტროლის ცენტრის დირექტორი აცხადებს, რომ . აჭარაში წითელას ეპიდაფეთქება. ამირან გამყრელიძის თქმით, წითელას პრევენციის ერთადერთი საშუალება არის აცრა:

“გუშინდელი მონაცემებით მე შემიძლია გითხრათ, რომ 1-ელი იანვრიდან უკვე ქვეყანაში წითელათი ინფიცირებულთა საერთო რაოდენობამ 300-ს გადააჭარბა. კონცენტრირება, 70-დან 75%-მდე შემთხვევვებისა, აჭარის რეგიონშია და იქ ძალიან ინტენსიური ღონისძიებები მიმდინარეობს. თუმცა, უკვე 30-მდე შემთხვევა გვაქვს თბილისშიც. ასევე, რამდენიმე შემთხვევა გვაქვს სხვადასხვა რეგიონში. აჭარაში გვაქვს წითელას ეპიდაფეთქება.

ერთადერთი პრევენციის საშუალება არის აცრა იმ ადამიანების, ვინც არ არის აცრილი წითელას საწინააღმდეგოდ. პირველ რიგში ეს არის ბავშვების ორჯერადი აცრა, ისინი უნდა იყვნენ ორჯერ აცრილები – 1 და 5 წლის ასაკში. აცრების ჩავარდნის მაღალი პროცენტი გვაქვს 15-20 წლიდან 40 წლამდე ასაკის ადამიანებში. ანუ ესენი არიან ადამიანები, რომლებიც 90-იან წლებში დაიბადნენ და მაშინ მოგეხსენებათ, აცრებთან მიმართულებით ბევრი პრობლემა იყო ქვეყანაში. 2008 წელსაც იყო ძლიერი ჩავარდნა. სწორედ 2008 წელს, როდესაც ქვეყანაში კამპანია ტარდებოდა და წითელას საწინააღმდეგოდ მილიონი ადამიანი უნდა აცრილიყო, ერთმა არასწორად გაკეთებულმა სიუჟეტმა ჩააგდო ეს კამპანია და მილიონის ნაცვლად აიცრა 450 000 ადამიანი. მაშინ მილიონი ადამიანი რომ აცრილიყო, დღეს ქვეყანაში ეს პრობლემები არ იქნებოდა.”- განაცხადა გამყრელიძემ.

დაავადებათა კონტროლის ცენტრის დირექტორი მოსახლეობას, მიმართავს რომ აუცილებლად აცრან შვილები, ასევე 20-დან 40 წლამდე მოქალაქეებმა, რომელთაც არ ახსოვთ არიან აცრილები თუ არა , შეუძლიათ პოლიკლინიკებში წითელას საწინააღმდეგო დამატებითი აცრა გაიკეთონ. ამასთანავე გამყრელიძე ყურადღებას ამახვილებს აცრის აუცილებლობაზე, იმ ქალებისთვის, რომლებიც დაორსულებას აპირებენ, მისი თქმით აუცრელობის შემთხვევაში წითელას ვირუსი ნაყოფზე სერიოზულად მოქმედებს.