შინაგან საქმეთა სამინისტროს საგანგებო სიტუაციების მართვის დეპარტამენტის სამაშველო მომზადებისა და რეაგირების სამსახურის უფროსის, გიორგი ძაგნიძის ინფორმაციით, სამაშველო სამუშაოები უამინდობის გამო ფერხდება, თუმცა მაშველები ვითარებას აკონტროლებენ.

რაც შეეხება დაშავებული მთამსვლელის ჯანმრთელობის მდგომარეობას, მის სიცოცხლეს საფრთხე არ ემუქრება.

შეგახსენებთ, რომ პოლონელ მთამსვლელებს პრობლემები მას შემდეგ შეექმნათ, რაც ერთ-ერთი მათგანი მთაზე ასვლისას თოკიდან მოწყდა.

"მიმდინარეობს სამუშაოები, სამაშველო დეპარტამენტი სრულად ფლობს და აკონტროლებს სიტუაციას, ერთადერთი, რასაც ჩვენ ვერ ვაკონტროლებთ, ეს არის ამინდის პირობები, მიუხედავად ამისა, ჩვენი ჯგუფი, რომელიც იმყოფება მესტიაში, ისინი გადაადგილდებიან და მიმდინარეობს მუშაობა, დაზარალებული ალპინისტის ჯანმრთელობის მდგომარეობა დამაკმაყოფილებელია", - განაცხადა ძაგნიძემ.