საქართველოს მოქალაქე, 26 წლის ლუკა ჩხეტია, რომელიც სოლომენსკის სასამართლოსთან, საპროტესტო აქციაზე სამართალდამცველებისთვის წინააღმდეგობის გაწევის ბრალდებით დააკავეს, სასამართლო დარბაზიდან გაათავისუფლეს. ბატალიონ ”დონბასის” წევრი პოლიციამ, რამდენიმე დღის წინ, 40-მდე ადამიანს შორის დააკავა.

შეკრებილები კორუფციაში ბრალდებული ოდესის მერის თავდებით გათავისუფლებას აპროტესტებდნენ. ლუკა ჩხეტია, რომელსაც ფიზიკური დაზიანებები აღენიშნებოდა ამტკიცებს, რომ მას დაკავების დროს პოლიცია გაუსწორდა. დაპატიმრების შემდეგ მისი ადგილსამყოფელი ორი დღის განმავლობაში უცნობი იყო.