BBC-ის ცნობით, ირანში ავიაკატასტროფა განიცადა სამგზავრო თვითმფრინავმა, რომლის ბორტზეც 66 ადამიანი იმყოფებოდა. ავიაკომპანიის განცხადებით, ყველა ადამიანი დაიღუპა. ავიაკატასტროფა ქალაქ სემირომისთან მოხდა.

თვითმფრინავი შიდა რეისს ახორციელებდა და თეირანიდან ქალაქ იასუიში მიფრინავდა. იგი Aseman Airlinesის საკუთრება იყო. მაშველებს ადგილზე მისვლას ამინდის გაუარესებული პირობები უშლის ხელს.

მედიაში გავრცელებული ინფორმაციით, თვითმფრინავი, რომელიც აფრენიდან 50 წუთში რადარებიდან გაქრა, მთას შეეჯახა.