აშშ-ის პრეზიდენტმა დონალდ ტრამპმა ფლორიდის სკოლაში მომხდარი სისიხლიანი თავდასხმის გამო FBI გააკრიტიკა და აღნიშნა, რომ სპეცსამსახურები ბევრ დროს ხარჯავენ ტრამპის საარჩევნო კამპანიის შტაბისა და რუსეთის შესაძლო კავშირის გამოძიებაზე, ამ დროს სხვა მოვლენები მათი ყურადღების მიღმა რჩება.

შეგახსენებთ, რომ გამოძიების ფედერალური ბიუროში შეცდომა აღიარეს და განაცხადეს, რომ პარკლენდის სკოლაზე თავდასხმის შესახებ ცნობას სათანადო ყურადღება არ მიაქციეს.

„რუსეთთან შეთქმულება არ არსებობს, დაუბრუნდით ძირითად საქმეს, რათა ჩვენ თქვენით ისევ ვიამაყოთ“, – წერს მიკრობლოგში აშშ-ის პრეზიდენტი.

ფლორიდის შტატის პარკლენდის სკოლაზე თავდასხმისას 17 ადამიანი დაიღუპა და 14 დაიჭრა. რამდენიმე დაჭრილი კვლავ მძიმე მდგომარეობაში იმყოფება.