აშშ-ის სამხედრო-საზღვაო ძალების მეექვესე ფლოტის ხომალდი USS Carney (DDG 64) შავ ზღვაში იმყოფება. იგი შეუერთდა მეორე გემს - USS Ross (DDG 71)-ს, რომელიც შავ ზღვაში 17 თებერვლიდან იმყოფება.

Carney და Ross შავ ზღვაში უსაფრთხოების უზრუნველყოფის საზღვაო ოპერაციებში მონაწილეობენ.

ვიცე-ადმირალმა ქრისტოფერ გრედის განცხადებით, შავი ზღვის რეგიონი ამერიკის შეერთებული შტატებისთვის სტრატეგიულად მნიშვნელოვანი რეგიონია და აშშ-ის სამხედრო-საზღვაო ძალების მობილური გემები აშშ-ის ინტერესებს მსოფლიოს ნებისმიერ წერტილში დაიცავენ.

“შავ ზღვაში ამერიკული გემების ყოფნა ნათელი დემონსტრირებაა, რომ აშშ-ი მხარს უჭერს რეგიონში სტაბილურობას და ნავიგაციის უსაფრთხოებას და NATO-ს წევრი ქვეყნებისა და მისი პარტნიორების კოლექტიური თავდაცვის პრინციპების ერთგულია”, – ნათქვამია აშშ-ის სამხედრო-საზღვაო ძალების მეექვესე ფლოტის განცხადებაში.