"აი, ასე იგონებენ რუსულ საფრთხეს"- ლავროვი მეზობელი ქვეყნების წინააღმდეგ რუსეთის ქმედებებზე დასმულმა შეკითხვამ გაააღიზიანა

მსოფლიო - 20:00, 17 Feb, 2018

3155

მიუნხენის უსაფრთხოების კონფერენციზე სერგეი ლავროვი აღმოსავლეთ პარტნიორობის წევრი ქვეყნების საკითხზე ევროპარლამენტარ მაიკლ გალერის შეკითხვამ გააღიზიანა. ევროდეპუტატი დაინტერესდა, რატომ აგრძელებს რუსეთი მეზობელი ქვეყნების ევროინტეგრაციის შეფერხებას. გალერმა იკითხა, ეთანხმება თუ არა რუსული მხარე იმ მოსაზრებას,რომ ევროგაერთიანებამ ნამდვილად ამ ქვეყნების ჭეშმარიტ სურვილზე დაყრდნობით იმოქმედა და მათთვის არაფერი დაუძალებია.

„ბატონო მინისტრო, თქვენ ამტკიცებთ, რომ ევროკავშირი აღმოსავლეთ სამეზობლოს ქვეყნებს ულტიმატუმის წინაშე აყენებს, რომ ან რუსეთთან ერთად იყვნენ, ან ევროკავშირთან. ფაქტია, რომ ჩვენ ძალიან განსხვავებული დონე გვაქვს ურთიერთობის ექვსივე ქვეყანასთან. არ დამეთანხმებით, რომ ჩვენ მათ სურვილებზე ვრეაგირებთ და არაფერს ვაიძულებთ და, თუკი ვინმე არ გააფორმებს ჩვენთან შეთანხმებას, ტანკებს არ ვაგზავნით“- განაცხადა მაიკლ გალერმა და ხაზი გაუსვა იმას, რომ ექვს ქვეყანას შორის, აზერბაიჯანსა და ბელორუსს ყოვლისმომცველ შეთანხმებაზე ხელმოწერა ამ დრომდე არ სურთ, სომხეთთან კი რუსეთის ძლიერი გავლენიდან გამომდინარე, ევროკავშირი იძულებული გახდა, შედარებით დაბალი დონის ეკონომიკური ხელშეკრულება განეხილა.

ლავროვის თქმით როდესაც აღმოსავლეთ პარტნიორობა ყალიბდებოდა, რუსეთს არწმუნებდნენ, რომ ის მათ წინააღმდეგ არ იქნებოდა მიმართული და თავად ის იმედოვნებდა, რომ ეს პირობა შესრულდებოდა. რუსეთის საგარეო საქმეთა მინისტრის განცხადებით, აღმოსავლეთ პარტნიორობის ზოგიერთ ქვეყანას ამ ფორმატის რუსეთის წინააღმდეგ გამოყენება სურს.

„აი, ასე იგონებენ რუსულ საფრთხეებს. თქვენი შეკითხვა დაიწყო იმის მტკიცებით, რომ თითქოს, მე ვთქვი, რომ აღმოსავლეთ პარტნიორობას ამ ქვეყნების რუსეთისგან ჩამოსაშორებლად იყენებენ. მე ვთქვი, რომ, როდესაც აღმოსავლეთ პარტნიორობა ყალიბდებოდა, ჩვენ გვარწმუნებდნენ, რომ ის რუსეთის წინააღმდეგ არ იქნებოდა მიმართული და ვიმედოვნებდი, რომ ეს პირობა შესრულდებოდა. აღმოსავლეთ პარტნიორობის ზოგიერთ ქვეყანას კი ნამდვილად სურს ამ ფორმატის რუსეთის წინააღმდეგ გამოყენება.“- განაცხადა ლავროვმა