ოსკარის რიგით 90-ე დაჯილდოებაზე წარმდგენთა ნაწილის ვინაობა ცნობილია. ინფორმაცია ამერიკის კინოაკადემიამ ოფიციალურ ფეისბუკგვერდზე განათავსა.

წარმდგენთა შორის არიან: მაჰერშალა ალი, ჩედვიკ ბოუზმანი, ვაილა დევისი, ლორა დერნი, ჯენიფერ გარნერი, გრეტა გერვიგი, ტიფანი ჰადიში, ტომ ჰოლანდი, კუმაილ ნანჯიანი, მარგო რობი, ემა სტოუნი და ისტორიაში პირველად, წარმდგენთა შორის მოხვდა ტრანსგენდერი ქალი, მსახიობი დანიელა ვეგა.

ოსკარის 90-ე ცერემონიას ტრადიციულად დოლბის თეატრი უმასპინძლებს. ღონისძიება 4 მარტს გაიმართება.