შსს-ს საქართველოს სასაზღვრო პოლიციის სანაპირო დაცვა 15 წლის წინ შეიქმნა.

ღონისძიება ოფიციალურად გახსნა საქართველოს შინაგან საქმეთა მინისტრმა ირაკლი ღარიბაშვილმა. მოწვეულ სტუმრებს შინაგან საქმეთა მინისტრის მოადგილე ვახტანგ გომელაურმა, სასაზღვრო პოლიციის დირექტორმა, ს/პ პოლკოვნიკმა კობა ბოჭორიშვილმა და სანაპირო დაცვის დეპარტამენტის დირექტორმა, ს/პ მე-2 რანგის კაპიტანმა ლაშა ხარაბაძემ უმასპინძლა.

ღონისძიებას ამერიკის და ევროპის ქვეყნების დიპლომატიური კორპუსის და ადგილობრივი ხელისუფლების წარმომადგენლები დაესწრნენ.
სანაპირო დაცვის ბაზის მიმდებარე ტერიტორიაზე, სანაპირო დაცვის მცურავი საშუალებებით ზღვაში აღლუმი მოეწყო, საპატიო სტუმრები ზღვაში გაყვანეს და გაიმართა გვირგვინის ჩაშვების ცერემონია.

სანაპირო დაცვის მოსამსახურეები მადლობის სიგელებით, საიუბილეო და სამკერდე მედლებით დაჯილდოვდნენ.

დღესვე 2008 წლის აგვისტოს ომში დაღუპულ გმირთა მემორიალი გვირგვინით შეამკეს და მათ ოჯახის წევრებს საჩუქრები გადასცეს.მინისტრი ირაკლი ღარიბაშვილი აგვისტოს ომში დაღუპული მესაზღვრეების ოჯახის წევრებს შეხვდა.