აშშ-ის საპრეზიდენტო არჩევნებში ჩარევისთვის რუსეთის 13 მოქალაქეს ბრალი წაუყენეს

მსოფლიო - 13:11, 17 Feb, 2018

1560

აშშ-ის სპეციალური პროკურორი რობერტ მიულერი ამერიკის საპრეზიდენტო არჩევნებში რუსეთის შესაძლო ჩარევის საქმის გამოძიებას აგრძელებს, ამის შესახებ ინფორმაციას უცხოური მედია ავრცელებს.

ამერიკის არჩევნებში „რუსული კვალის“ საქმეზე, აშშ-ის იუსტიციის სამინისტრომ ბრალი რუსეთის 13 მოქალაქესა და 3 ორგანიზაციას წაუყენა.

ბრალდებულებს შორისაა ინტერნეტ გამოძიების სააგენტო, ცნობილი როგორც „ტროლების ფაბრიკა“ და ბიზნესმენი ევგენი პრიგოჟინი. მათ გარდა სიაში არიან, მიხაილ ბისტროვი, მიხაილ ბურჩიკი, ალეკსანდრა კრილოვა, ანა ბოგაჩება, სერგეი პოლოზოვი, მარია ბოვდა, რობერტ ბოვდა, ჯეიჰუნ ნასიმი ოღლი ასლანოვი, ვადიმ პოდკოპაევი, გლებ ვასილჩენკო, ვლადიმირ ვენკოვი,

ბრალდებული ორგანიზაციების სამეულში კი არიან ინტერნეტ გამოძიების სააგენტო, ცნობილი როგორც „ტროლების ფაბრიკა“, Concord Management და Concord Catering.

დოკუმენტში საუბარია იმაზე, რომ ამერიკის არჩევნებში ჩარევა 2014 წლიდან დაიწყო, ბრალდებულები სოციალურ ქსელებში ყალბი სახელებით პოლიტიკურ დავებს აწყობდნენ. ზოგიერთი მათგანი კი იყენებდა აშშ-ის კომპიუტერულ სისტემას იმისთვის, რომ პოსტების რუსული წარმომავლობა დაემალათ.

სიიდან სამ ადამიანს, ბრალად ედება დანაშაულებრივი ქმედების ჩადენის მიზნით შეთქმულება, 5 -ს კი პირადი მონაცემების მოპარვა.

„ტროლების ფაბრიკა“ დაკავშირებულია ბიზმესმენ ევგენი პრიგოჟინთან, რომლსაც მედია „პუტინის მზარეულსაც“ უწოდებს. „ტროლების ფაბრიკის“ თანამშრომლები თანხას იღებენ რუსეთის მთავრობის მხარდამჭერი კომენტარების გამოქვეყნებისთვის.