„მე ვნანობ რაც 2011 წლის 22 ივლისს ჩავიდინე“

„მე ვნანობ რაც 2011 წლის 22 ივლისს ჩავიდინე“ - ანდერს ბრეივიკი

მსოფლიო - 13:24, 16 Feb, 2018

2478

ანდერს ბრეივიკი, ადამიანი, რომელმაც 77 პირი იმსხვერპლა, ჩადენილ დანაშაულს ნანობს. ამის შესახებ ინფორმაციას ნორვეგიული გამომცემლობა ავრცელებს. ბრეივიკი საკუთარ წერილში ამბობს, რომ მან თვითგანვითარების მეოთხე ეტაპს მიაღწია და რადიკალური ნაციონალისტური იდეოლოგია უკან ჩამოიტოვა.

ბრეივი აცხადებს, რომ ცხოვრების გაგრძელება სურს, ასევე მზადყოფნას გამოთქვამს, მიჰყვეს „ციხის მოთხოვნებს“ და სურს „ფაშისტური, ნაციონალ-სოციალისტური და ეთნონაციონალისტური“ იდეოლოგიები დაივიწყოს. საკუთარ წერილში ბრეივიკს ახალი მოთხოვნები აღარ წამოუყენებია.

„მე ვნანობ რაც 2011 წლის 22 ივლისს ჩავიდინე“ - ამბობს ბრეივიკი.

სასამართლოს ფსიქიატრები მიიჩნევენ, რომ ანდერს ბრეივიკი ტყუის და ამ გზით სასჯელის შემსუბუქებას ცდილობს.

„არ არსებობს არავითარი მიზეზი, რომ მას ვენდოთ. როგორცჩანს იგი მანიპულირებს, რასაც ტერორისტები ხშირად აკეთებენ, რათა ტავიანთი გეგმები აასრულონ. იგი ციხეში თავს ცუდად გრძნობს და სწრაფად სურს მისი დატოვება“, - აცხადებს ფსიქიატრი.

შეგახსენებთ, რომ 2011 წლის 22 ივლის ბრეივიკმა ტერორისტული აქტები განახორციელა, ოსლოს სამთავრობო კვარტალსა და კუნძულ უტოიაზე ახალგაზრულ ბანაკზე, რის შედეგადაც 77 ადამიანი გარდაიცვალა. მას 21 წლით თავისუფლების აღკვეთა მიესაჯა.