ფსიქოლოგიური ტრილერი "კრავთა დუმილი" კინოაკადემიის 5 ჯილდოს მფლობელია: საუკეთესო ფილმის, საუკეთესო მსახიობი კაცის, საუკეთესო მსახიობი ქალის, საუკეთესო რეჟისორისა და საუკეთესო ადაპტირებული სცენარისათვის.

დღემდე არავინ იციდა, თუ რამ შთააგონა ჰარისი ამგვარი ნაწარმოებისა და მასში კანიბალი პერსონაჟის შექმინისას. როგორც თავად ჰარისმა განაცხადა, იგი "ჰანიბალ ლექტორს" 1960 წელს მექსიკის ციხეში სტუმრობისას შეხვდა.

ჰარისი, როგორც ჟურნალისტი, მექსიკის სახელმწიფო ციხეში - "Nuevo Leon"-ში სპეციალური ვიზიტით იმყოფებოდა, რათა ინტერვიუ აეღო დიუკ სიმონსთან, ფიქიურად დაავადებულ ადამიანთან, რომელსაც სამი ადამიანის მკვლელობისათვის სიკვდილი ჰქონდა მისჯილი. სწორედ აქ გაიგო ჰარისმა, რომ ერთი წლის წინ, გაქცევის მცდელობისას მძიმედ დაჭრილი სიმონსი სიკვდილისგან იხსნა პატიმრობაში მყოფმა ექიმმა "დოქტორ სალაზარმა" (ჰარისი კვლავ მალავს რეალური ექიმის ნამდვილ სახელს და გვარს).

ციხის ზედამხედველმა მაშინ ჰარისს განუცხადა, რომ ექიმი სალაზარი "ვერასოდეს დატოვებს ციხეს, ის არანორმალურია, მკვლელია". ჰარისის ციხეში ვიზიტამდე "სალაზარს" უკვე ჰქონდა ციხეში 20 წელი გატარებული.

"მე ექიმ სალაზარს ვესაუბრე არა კრიმინალურ თემებზე, არამედ იმაზე, თუ როგორ იხსნა დაჭრილი პატიმრის იცოცხლე. იგი განსაკუთრებულად საუბრობდა სიმონსის ჭრილობებზე, მათ დამუშავებაზე. თქვენ რომ ჩემს ადგილას ყოფილიყავით, ნამდვილად იცნობდით მასში "ჰანიბალ ლექტორს," - აცხადებს ჰარისი.