სერიოზული შეხლა-შემოხლა პოლიციელებსა და აქციის მონაწილეებს შორის არ მომხდარა. აქციის მონაწილეები დაშლამდე "ექსპო-ჯორჯიის" ცენტრალურ შესასვლელთან შეიკრიბნენ და ხელისუფლება დაადანაშაულეს. მათი თქმით, ისინი "დანაშაულებრივი რეჟიმის წევრებს" იცავენ.

აქციის მსვლეობის დროს შელაპარაკება მოხდა პრაიმერისის დელეგატსა და საპროტესტო აქციის მონაწილეებს შორის. შუახნის მამაკაცი აქციის მონაწილეებს უმტკიცებდა, რომ წინა ხელისუფლების დროს შეცდომები იყო:

"იცით, რა არის სააკაშვილის დამსახურება? ის, რომ სახელმწიფო შექმნა" - ამ ფრაზას აქციის მონაწილეთა გაღიზიანება მოჰყვა: "არაფერი არ არის სააკაშვილის დამსახურება, არაფერი შეუქმნია, რა სახელმწიფო შექმნა?", - უპასუხა მამაკაცს ახალგაზრდა ქალმა. შელაპარაკება დაპირისპირების გარეშე დასრულდა.