ილონ მასკის ავტომობილი მარსს 2020 წლის 8 ოქტომბერს მიუახლოვდება, - აცხადებს ჰარვარდ-სმიტსონის ასტროფიზიკური ცენტრის მეცნიერი ჯონათან მაკდაუელი.

ასტროფიზიკოსის გამოთვლებით, მანძილი მათ შორის 7 მილიონი კილომეტრი იქნება. შესაბამისად, ავტომობილი მარსის გრავიტაციული ველის გარეთ იქნება და პლანეტა მას არ მიიზიდავს.

მაკდაუელმა ავტომობილის დედამიწასთან მაქსიმალური მიახლოების თარიღები და მანძილებიც გამოთვალა.

პირველად ეს 2021 წელს მოხდება და მასკის ავტომობილი დედამიწას 45 მილიონი კილომეტრის მანძილზე ჩაუვლის. ანალოგიური განმეორდება ასევე 2026, 2031 და 2039 წლებში.