თურქეთსა და აშშ-ს შორის ურთიერთობები კრიტიკულია და გაწყვეტის პირასაა

თურქეთსა და აშშ-ს შორის ურთიერთობები კრიტიკულია და გაწყვეტის პირასაა - მევლუთ ჩავუშოღლუ

მსოფლიო - 17:07, 12 Feb, 2018

1626

თურქეთის საგარეო საქმეთა მინისტრის მევლუთ ჩავუშოღლუს განცხადებით, თურქეთსა და აშშ-ს შორის ურთიერთობა კრიტიკულია და სრული გაწყვეტის რისკიც არსებობს.

ამის შესახებ ჩავუშოღლუმ ანკარაში აშშ-ის სახელმწიფო მინისტრის რექს ტილერსონის ვიზიტამდე განაცხადა.

„აშშ-სთან კავშირები კრიტიკულ ზღვარზეა. ჩვენ ან გამოვასწორებთ ამ ურთიერთობებს, ან ის სრულიად გაწყდება” - განაცხადა თურქეთის პირველმა დპლომატმა.

მისი თქმით, თურქეთი ვაშინგტონისგან კონკრეტულ ნაბიჯებს ითხოვს.

„დაკარგული ნდობა აღდგენას საჭიროებს. ნდობის დაკარგვის მიზეზი კი თავად შეერთებული შტატებია“ - აღნიშნა ჩავუშოღლუმ.

შეგახსენებთ, თურქეთის პრეზიდენტმა რეჯეპ ტაიპ ერდოღანმა განაცადა, რომ შეერთებული შტატები სირიაში, თურქეთის, ირანისა და რუსეთის ინტერესების წინააღმდეგ მოქმედებს, რომლებიც იქ ქურთების მიერ კონტროლირებად ტერიტორიაზე სამხედრო ოპერაციას აწარმოებენ.

თურქეთმა სირიაში, აფრინში სამხედრო ოპერაცია „ზეთისხილის ტოტი“ 20 იანვარს დაიწყო. თურქეთის სამხედრო ოპერაცია ქურთისტანის მუშათა პარტიისა და მისი განშტოებების წინააღმდეგ არის მიმართული. ერთ-ერთი მათგანი „სახალხო თავდაცვის ძალები“ კი ვაშინგტონის მოკავშირეა ISIS-თან ბრძოლაში.