მეუფე დანიელი - ინსტიტუციური სეკულარიზმი იცავს წონასწორობას საერო და სასულიეო ცხოვრებას შორის, მსოფლმხედველობრივი კი სახიფათოა და ის ანტირელიგიურ ცნობიერებას ანიჭებს უპირატესობას

რელიგია - 12:07, 12 Feb, 2018

2469

საქართველოს ავტოკეფალიის აღდეგინდა 100 წლის თავზე პარლამენტში კონფერენცია "რელიგია და საზოგადოებრივი ცხოვრება" იმარეთება. კონფერენციის დაწყებამდე ჭიათურისა და საჩხერის მიტროპოლიტმა, მეუფე დანიელმა რელიგიის მნისვნელობაზე ისაუბრა და აღნიშნა, რომ რელიგიური ფანატიზმი ისევე სახიფათოა, როგორც რადიკალური ანტირელიგიურობა.

"დღევანდელი კონფერენცია ეძღვნება საქართველოს ეკლესიაში შეწყვეტილი ავტოკეფალური მმართველობის აღდგენიდან 100 წლის თავს და კონფერენციის თემაა რელიგია და საზოგადოება. ჩვენ ყველას გვსურს, რომ რელიგიამ ის მშვიდობისმყოფელი და გამამთლიანებელი როლი შეასრულოს, რომელსაც ასრულებდა ისტორიულად და არა მხოლოდ ჩვენ, არამედ სხვა მრავალ ქვეყანაში. მიზეზები, რატომ ვერ ასრულებს ბევრია, არის სუბიექტური და ობიექტური მიზეზები, ჩვენ გვმართებს სწორედ ამის ანალიზი და კონფერენციაც ამას ეძღვნება. კონფერენციის მთავარი გზავნილი არის ის, რომ არსებობს ერთ-ერთი აუცილებელი პირობა რელიგიის საზოგადოებრივ ცხოვრებაში განფენისა - ეს არის ინსტიტუციური სეკულარიზმი, რომელიც იცავს წონასწორობას საერო და სასულიერო ცხოვრებას შორის. თუ ერთი სფერო მაინც დომინირებს მეორეზე, თანამშრომლობა და ჰარმონია შეუძლებელია. ამიტომ, როგორც ფანატიზმია საშიში, ასევე რადიკალური ანტირელიგიურობაც საშიშია. არსებობს ინსტიტუციური სეკულარიზმი, რომელიც ამას უწყობს ხელს და მსოფლმხედველობრივი სეკულარიზმი, რომელიც ცოტა სახიფათოა, რადგან იგი უპირატესობას ანტირელიგიურ ცნობიერებას ანიჭებს და ირღვევა ბალანსი საზოგადოებრივ ჯგუფებს შორის", - განაცხადა მეუფემ.