"დაახლოებით ნახევარი საათის წინ გვაცნობეს სამართალდამცავი ორგანოებიდან, რომ შესულია სატელეფონო ზარი იმის თაობაზე, რომ პარლამენტის შენობაში დაახლოებით ორ საათში აფეთქდება ბომბი, სპეციალისტების წინასწარი შეფასებით, ეს შეტყობინება არ არის მაღალი სანდოობის.

მაგრამ ვინაიდან არსებობს მცირედი ეჭვი მაინც, შესაბამისმა სამსახურებმა მიიღეს გადაწყვეტილება იმის თაობაზე, რომ შენობაში მყოფი ხალხის ევაკუაცია მომხდარიყო. ამის გამო, პარლამენტის სხდომა გადატანილია ხვალ, ოთხი საათისთვის. კიდევ ვიმეორებ, რაიმე პანიკის საფუძველი არ არსებობს", - განაცხადა დავით უსუფაშვილმა.