საქართველოს რაგბის კავშირის გადაწყვეტილებით, ქუთაისის რაგბის სტადიონზე საქართველოს დროშა გოგი წულაიამ აღმართა.

ალბათ ყველას გახსოვთ, წულაიას სავიზიტო ფრაზა „დროშა ვერ დაკიდენ“, რომელიც მან რაგბიში მსოფლიო ჩემპიონატის ჩატარებისას გააკეთა.

რამდენიმე თვის წინ ამ ფრაზას პრეზიდენტიც გამოეხმაურა. გიორგი მარგველაშვილი ქუთაისში სახელმწიფო დროშის დღის აღსანიშნავად იმყოფებოდა, რა დროსაც წულაიას დროშა აჩუქა და გაეხუმრა "ახლა შენ დაკიდენ... შენ თვითონ დაკიდე, გოგია წულაია. ”

რაგბის კავშირმა გოგი წულაიას საჩუქრად მაისური გადასცა, რომელზეც ყველა მორაგბის ხელმოწერაა.