ამის შესახებ ინფორმაციას "აფსნი.ჯი" აქვეყნებს, ხოლო თავად ადვოკატი თინა ნაკაშიძე "ნეტგაზეთთან" საუბარში ამბობს, რომ ტარიელ ფოცხვერია არანაირ ბუნტს არ გეგმავს, და რომ ის გარედან იქნება ინსპირირებული. ადვოკატი შს მინისტრს მიმართავს და მინიშნებებსაც აკეთებს:

"ამჟამად პატიმრები შიმშილობენ სასჯელაღსრულების მე–17 დაწესებულებაში, მე–8 დაწესებულებაში და მათ სხვა დაწესებულებებიც შეუერთდებიან. ჩემი ინფორმაციით, ეს არის გარედან აგორებული პროცესი და ვიღაცას სურს, რომ არეულობა და ე.წ. ბუნტი მოხდეს ციხეში. ვიღაცას უნდა, რომ პატიმრების მეშვეობით ქვეყანაში არეულობა შემოიტანოს.

საუბარია იმაზე, ვისაც აწყობს ქვეყანაში არეულობა – "ნაციონალების" ნარჩენებს, რომლებიც ფიქრობენ, რომ ბუნტით დაწყებული არეულობით მათთვის სასარგებლო გარკვეული შედეგები დადგება", - ამბობს "კანონიერი ქურდის" ადვოკატი "ნეტგაზეთთან".