პოპულარულმა ბრიტანულმა გამოცემა Bloomberg-მა სრიალის მოყვარულებს 5 ადგილი შეურჩია და იქ ჩასვლა ურჩია. სიის სათავეშია საქართველო, კერძოდ კი გუდაური.

„წადით თბილისში და ისრიალეთ გუდაურში”- ნათქვამია სტატიაში.

გამოცემის ცნობით, თბილისში ჩასულებს შეუძლიათ გაეცნონ არქიტექტურულ ღირსშენაშინაობებს, უნიკალურ კულინარიურ ტრადიციებს და საბჭ

"სანამ იქ ხართ, ეწვიეთ ფაბრიკას, ძველ სამკერვალო ქარახანს, სადაც ახლა ბარები და ხელოვანთა სტუდიებია განთავსებული. ეს თბილისის განვითარების შესანიშნავი და დიდი მაგალითია.

ან გაიგეთ, რატომ არის თბილისი აღმოსავლეთ ევროპის ყველაზე ცხელი ქალაქი და ეწვიეთ ბასიანს (კლუბად გადაქცეული მიტოვებულ აუზი) და დიდი გალერის, სადაც მსოფლიო დონის დიჯეები უკრავენ" - ნათქვამია სტატიაში.

სტატიის ავტორი წერს, რომ ამ ყველაფრის გარდა, თბილისი ძალიან კომპაქტური ქალაქია და სულ რაღაც ორ საათში გუდაურში შეუძლიათ სრიალი სრიალის მოყვარულებს.

„ევროპის ერთერთი ყველაზე საინტერესო სათხილამურო ტერიტორია. ეს არის შესანიშნავი კურორტი, დღის და ღამის სათხილამურო ტრასებით. და ის ჯერაც ვითარდება“ - ნათქვამია Bloomberg სტატიაში.

თბილისის გარდა Bloomberg-ი სრიალის მოყვარულებს თურქეთის, ნორვეგიის, შვეიცარიისა და სლოვენიის ზამთრის კურორტებში მოგზაურობას ურჩევს