განცხადებაში წერია, რომ საქმეში არ არის მითითებული ახლადაღმოჩენილი გარემოებები, რის გამოც პროკურატურა განაჩენის გადასინჯვის აუცილებლობას ვერ ხედავს. სანაიას ოჯახის წევრების განცხადებით ეს პოლიტიკურად მოტივირებული მკვლელობა იყო, ისინი მკვლელობიდან 12 წლის შემდეგ, მაშინდელი შინაგან საქმეთა მინისტრის, კახა თარგამაძის დაკითხვას ითხოვენ.

„ეს იყო პოლიტიკური მკვლელობა, ჩვენ ვითხოვთ პასუხს, ჩვენ ვითხოვთ გამოძიებას, მათ შორის გამოკითხვას ყოფილი მაღალჩინოსნების, მაშინდელი მთავრობის და ყველა ფიგურანტის, ვინც შეიძლება რაღაც ფორმით შემხებლობაში ყოფილიყო ამ საქმესთან, ჩვენ ვითხოვთ მთავარ შეკითხვებზე პასუხს, არა მხოლოდ ოჯახი, არამედ საზოგადოება, ამიტომ მთავარ პროკურორს კიდევ ერთხელ მივმართავთ, რომ გულდასმით გაეცნოს ამ საქმეს“, - განაცხადა ვახო სანაიამ.