დღეს, ილონ მასკი, მარსის მიმართულებით, საკუთარ ავტომობილს გაუშვებს

მსოფლიო - 16:31, 06 Feb, 2018

1898

დღეს, 6 თებერვალს, თბილისი დროით 22 საათსა და 30 წუთზე, SpaceX-ისა და Tesla-ს დამფუძნებელი ილონ მასკი კენედის სახელობის კოსმოსური ცენტრიდან ზემძიმე რაკეტა-მატარებელ Falcon Heavy-ის გაუშვებს. რაკეტა-მატარებლის ტვირთამწეობა ორჯერ აღემატება დღეს არსებულ ყველა სხვა რაკეტის მაჩვენებელს. მას დედამიწის ორბიტაზე 64 ტონა ტვირთის ატანა შეუძლია.

რადგან პირველი გაშვებისას ხშირია ტექნიკური პრობლემები, ნამდვილი ტვირთი Falcon Heavy-ზე არ იქნება, მის ნაცვლად მასკი კოსმოსში თავის ძველ ალუბლისფერ სპორტულ ავტომანქანა Tesla-ს გაუშვებს.

ავტომობილი ელიფსურ ორბიტაზე იქნება გაყვანილი, რომელიც მზიდან მარსის მიმართულებითაა გადაჭიმული. მოგზაურობისას ავტომობილის აუდიოსისტემა განუწყვეტლივ დევიდ ბოუის სიმღერა Space Oddity-ის დაუკრავს.

"ავტომობილი დედამიწას 400 მილიონი კილომეტრით დაშორდება და 11 კბ/წმ-ში სიჩქარით იფრენს. ჩვენი გათვლებით, იგი ამ ორბიტაზე მილიონობით წელს იფრებს" - აცხადებს მასკი.

ავტომობილი სამი გადანღები ვიდეოკამერითაა აღჭურვილი და პროექტის ავტორი იმედოვნებს, რომ იგი ეპიკურ კადრებს გადაიღებს.

თუ ეს ექსპერიმენტი წარმატებით დასრულდა, Falcon Heavy-ის მეშვეობით მომავალში კოსმოსში თანამედროვე სისტემებით აღჭურვილ რობოტებს, ხოლო 2019 წლისთვის დიდი სიმძლავრის ტელესკოპებს "ჰაბლსა" და მის მემკვიდრე "ჯეიმს უებს" გაუშვებენ.

ილონ მასკი აცხადებს, რომ ასი პროცენტით არ არის დარწმუნებული წარმატებაში. თუ იგი უშედეგოდ დასრულდა, ცდას გაიმეორებენ.

"თუ პრობლემები შეიქმნება, იმედი მაქვს, რომ ეს არა აფრენის მომენტში, არამედ გაცილებით გვიან მოხდება, რაც იმის საშუალებას მოგვცემს, რომ უფრო მეტი ინფორმაცია შევაგროვოთ" - აცხადებს მასკი.