ზარალი, რომელიც რუსეთის ეკონომიკას მიადგა აშშ-ს სანქციების გამო და არასახარბიელო პროგნოზები

მსოფლიო - 14:48, 06 Feb, 2018

3133

რუსეთის ყველაზე მსხვილი კერძო ბანკის, "ალფა-ბანკის" მიერ ჩატარებული გამოთვლებით, რუსეთის ეკონომიკა, სანქციების გამო, წელიწადში მშპ-ს 0,5%-ს კარგავს. შესაბამისაც რუსეთის ცენტრალური ბანკის მიერ გატარებული ყველა ზომები, ეკონომიკისა და ფინანსური მდგომარეობის გაუმჯობესებისაკენ ფუჟად დახარჯული შრომაა.

დანაკარგი იმით არის განპირობებული, რომ კომპანიები საზღვარგარეთიდან თანხების მოზიდვის შესაძლებლობას მოკლებული არიან, - აცხადებს ბანკის მთავარი ეკონომისტი ნატალია ორლოვა.

აშშ-ს მოქმედი სანქციები სერიოზულ შეზღუდვებს გულისხმობს რუსული ბანკებისა და ნავთობი-გაზის კომპანიებისათვის. ევროპული სანქციები ოდნავ მსუბუქია, მაგრამ ისინიც სერიოზული შეზღუდვებით გამოირჩევა.

ერთი შეხედვით, 0,5% არცთუისე მაღალი მაჩვენებელია და სერიოზული პრობლემები ქვეყნისთვის მშპ-ს 1%-იანი ზარალიდან იწყება, მაგრამ ჯერ ერთი, ეს ცენტრალური ბანკის მიერ გატარებული ყველა ზომების ანულირებას ახდენს და მეორეც, ამგვარმა დანაკარგებმა, შეიძლება ზარალი 0,5 პროცენტიდან 1 ანდა 1,5 პროცენტამდე აიყვანოს, მითუმეტეს თუ ნავთობის არასტაბილურ ფასებსა და სანქციების მომავალ გამკაცრებას გავითვალისწინებთ, წერს ორლოვა.

შეგახსენებთ, რომ თებერვლის დასაწისში გამოქვეყნდა აშშ-ის ახალი სია, რომელშიც ფაქტიურად რუსეთის ყველა პოლიტიკოსი, ჩინოვნიკი და მსხვილი ბიზნესმენია შესული. ვაშინგტონი აცხადებს, რომ ეს სია ახალ სანქციებს დაედება საფუძვლად. შედეგად, რუსული ეკონომიკის ზარალი კიდევ უფრო გაიზრდება.