სალაჰ აბედესლამი სასამართლოს კითხვებს არ პასუხობს - ბელგიაში პარიზის ტერაქტების ერთადერთი ცოცხალი ეჭვმიტანილის პროცესი მიმდინარეობს

მსოფლიო - 15:34, 05 Feb, 2018

1348

ბრიუსელში, პარიზის ტერაქტების ერთადერთი ცოცხალი ეჭვმიტანილის, სალაჰ აბდესლამის სასამართლო პროცესი მიმდინარეობს. ფრანგული მედიის ინფორმაციით სალაჰ აბდესლამი კითხვებზე პასუხის გაცემაზე უარს აცხადებს.

როგრორც ფრანგული მედია წერს სასამართლო პროცესზე აბდესლამი წვერმოსვებული, ნაცრისფერ პიკჯაკსა და შავ შარვალში გამოწყობილი წარსდგა. სალაჰ აბდესლამმა ასევე უარი თქვა წამომდგარიყო მაშინ, როდესაც სასამართლო დარბაზში მოსამართლე შემოვიდა. როგორც მისმა ადვოკატმა განაცხადა აბდესლამს ასევე არ სურს, რომ მისი ფოტო მასობრივი ინფორმაციის საშუალებებში მოხვდეს.

„ვიმერორემ მე არ მსურს არცერთ კითხვაზე პასუხის გაცემა, მე ბრალს მდებენ და აქ ამიტომაც ვარ. მე დუმილს ვინარჩუნებ, ეს ჩემი უფლებაა და ჩემი სიჩუმე მე გადამაქცევს კრიმინალად ან დამნაშავედ. დაე ყველაფერი იყოს დამყარებული ობიექტურ მტკიცებულებებზე და არა იმაზე, რომ საზოგადოებრივი აზრის დასაკმაყოფილებლად შოუ მოეწყოს. მე ვხედავ, რომ მუსლიმებისთვის ყველაზე ცუდი მართლმსაჯულებაა და მათ უმოწყალოდ ასამართლებენ. არ არსებობს უდანაშაულობის პრეზუმპცია და არაფერი. მე ვმოწმობ, რომ არ არის ღმერთი გარდა ალაჰისა და მუჰამედია მისი მოციქული. გამასამართლეთ, რაც გინდათ მიქენით. მე ჩემს ღმერთს მივენდობი.

სალაჰ აბდესლამი პარიზიდან ბელგიაში სასამართლო პროცესისთვის გადაიყვანეს.ბელგიაში მისთვის წარდგენილი ბრალი პარიზის ტერაქტებს არ უკავშირდება. აბდესლამს ბელგიის პროკურატურა იარაღის უკანონო ტარებასა და პოლიციელების მკვლელობის მცდელობაში ადანაშაულებს. მას 40 წლამდე პატიმრობა ემუქრება.