სააკაშვილი 18 თებერვალს დაგეგმილ მიტინგზე უკრაინის მომავალი ხელისუფლების თანამდებობის პირების სიას წარმოადგენს

მსოფლიო - 18:01, 04 Feb, 2018

2581

საქართველოს მესამე პრეზიდენტმა მიხეილ სააკაშვილიმა მიტინგზე "მომავლისთვის მარშის" მონაწილეებს განუცხადა, რომ 18 თებერვალს, მომავალი მარშისთვის იგი უკრაინის მომავალი ხელისუფლების უმაღლესი თანამდებობის პირების სიას წარმოადგენს.

მარშის მონაწილეებმა მიტინგი ევროპის მოედანზე გამართეს, რადგან კრესჩატიკზე რამდენიმე სხვა აქცია მიმდინარეობდა და შესაძლებელი იყო "ტიტუშკებს" პროვოკაციები მოეწყოთ.

"18 თებერვლამდე ჩვენ წარმოგიდგენთ ალტერნატიულ მთავრობას და პრეზიდენტობის რამდენიმე კანდიდატს, რომელთაგან თქვენ საუკეთსო უნდა აირჩიოთ. ჩვენ მალე მილიონი უნდა გავხდეთ, უნდა შევუტიოთ მშვიდობიანად. ანალოგიურ მარშებს გავმართავთ უკრაინის ყველა რეგიონში. ჩვენ გამოვაქვეყნებთ დეპუტატების სახლების ფოტოებსა და მისამართებს, ჩვენ მივმართავთ დეპუტატებს, რომლებმაც ხმა პოროშენკოს წინააღმდეგ უნდა მისცენ - მათგან ერთი რამ გვინდა, მოგვაშორონ ეს "პოლიტიკოსები" ხელისუფლებიდან და მერე თავადაც წავიდნენ," - განაცხადა მიხეილ სააკაშვილმა.

"მივმართავ პოროშენკოს, დაბადებული ხოხვისთვის ფრენას ვერ შეძლებს. შესაძლოა, ის კანფეტების ფაბრიკის კარგი დირექტორია, მაგრამ პრეზიდენტობა არ არის მისი ბედისწერა. უკრაინელი ხალხი მომთმენი და კეთილშობილია, თუ ის ახლა მშვიდად წავა, არ დაუშვებს სისხლის ღვრას და სამოქალაქო ომს. ხალხი ბევრ რამეს აპატიმრებს, მაგრამ, ამავდროულად, უნდა გავაფრთხილო, რომ, თუ ის შეეცდება, მოეჭიდოს ხელისუფლებას, გააგრძელებს ხალხის რეპრესიებს და მოემზადება არჩევნების გაყალბებისთვის, მაშინ მას ძალიან მკაცრი სასჯელი ემუქრება. რუსეთში ვერ გაიქცევა, დასავლეთი მას არ მიიღებს და ხალხის რისხვას ვერ გადაურჩება," - დასძინა სააკაშვილმა.

მიტინგის დასრულების შემდეგ, მონაწილეთა ერთი ნაწილი პოროშენკოს სახლისკენ ავტოგარბენს მოაწყობს.