სააკაშვილი 4 თებერვლის აქციაზე სახელისუფლო პროვოკაციებს არ გამორიცხავს

მსოფლიო - 15:27, 03 Feb, 2018

1714

საქართველოს მესამე პრეზიდენტი მიხეილ სააკაშვილი ვარაუდობს, 4 თებერვალს კიევში დაგეგმილ "იმპიჩმენტის მარშზე" შესაძლოა, პროვოკაციები მოხდეს.
„ახლა გავიგე, რომ 4 თებერვალს კიევის ცენტრში, კრესჩატიკზე ორგანიზაცია „Авто Евро Сила“-ს საპროტესტო აქციას გეგმავს. ამასთან, ბოლო მომენტში ორგანიზატორებმა შეცვალეს აქციის დრო და ის პოროშენკოს გადაყენების მოთხოვნით ჩვენს მრავალრიცხოვან მარშს დაემთხვეს.

მე მაქვს ზუსტი ინფორმაცია, რომ „Авто Евро Сила“-ს ხელმძღვანელმა პრეზიდენტის ადმინისტრაციისგან მიიღო ფული იმისთვის, რომ ხელი შეუშალოს ჩვენს მარშს. ამავე დროს, ადმინისტრაციამ კრესჩატიკზე დაამონტაჟა რკინის კონსტრუქციები, რათა ჩვენ სცენა არ აღვმართოთ. მე მინდა რომ “Авто Евро Сила"-ს რიგითმა წევრებმა გაიგონ მათი ორგანიზაციის ხელმძღვანელთა ფარული შეთანხმების შესახებ პოროშენკოს ხალხთან," - წერს სააკაშვილი.

სააკაშვილი წერს, რომ ხელისუფლების "სრული გადატვირთვის" შემდეგ, იგი გაათავისუფლებს უკრაინის ავტობაზარს მაფიური ზეწოლისა და არაჯანსაღი კონკურენციისგან, ხოლო ავტომობილების განბაჯება ფიქსირებული თანხა, 300 ევრო დაჯდება.

"პროვოკაციებისაგან თავის ასარიდებლად, რომელიც ხელისუფლების მიერ შეიძლება იყოს ინსპირირებული პოროშენკოს გადაყენების მოთხოვნით დაგეგმილი ჩვენი მრავალრიცხოვანი აქციის საწინააღმდეგოდ, მე ხელს ვუწვდი უკრაინის ყველა მოქალაქეს, რომლებიც ასევე იტანჯებიან განუკითხაობისაგან და ვთავაზობ გავაერთიანოთ ჩვენი ძალები ერთობლივი ბრძოლისთვის,"- წერს სააკაშვილი.

"ჩვენი საბოლოო მიზანი ერთია - გავათავისუფლოთ უკრაინა "კოროფციის გარანტისგან" და მისადმი დაქვემდებარებული სახელისუფლო ვერტიკალისგან,"- აცხადებს იგი.