1დან 8 თებერვლის ჩათვლით ვენერა და იუპიტერი ცაზე კვადრატურას ქმნიან. ეს ასპექტი პრობლემას ქმნის ზემდგომებთან, ოფიციალურ და სამართლებრივ ორგანოებთან, უცხოელ პარტნიორებთან კონტაქტების დამყარებაში. არასასურველია ამ დღეებში შორეული მოგზაურობის წამოწყება- ამის შესახებ ასტროლოგი ხათუნა ნოელი აცხადებს.

"რთული პერიოდია ფინანსური აქტიობებისათვისაც, მოერიდეთ თანხების ზედმეტ ხარჯვას, ჯერჯერობით თავი შეიკავეთ ფასეული შენაძენების გაკეთებისათვის. .
ვენერა რომანტიულ სფეროზეც მოქმედებს, ამ თვალსაზრისით, პრობლემური შეიძლება შეიქმნეს უცხოელ, ან უბრალოდ სხვა ქალაქის მაცხოვრებელ ადამიანთან რომანტიული ურთიერთობები.
მათ, ვისაც უკვე ჰყავთ პარტნიორები, სჯობს ჯერჯერობით თავი შეიკავონ ურთიერთობის ახალ საფეხურზე გადასაყვანად. შეუფერებელი დროა გრძნობების გამოსამჟღავნებლად, ნიშნობისთვის ან ქორწილისათვის, ასევე ჩასახვის პრობლემების მოსაგვარებლად.
არამცდაარამც არ შეეცადოთ ვინმესთვის პროტექციის თხოვნას- საამისოდ მეტად არახელსაყრელი პერიოდია. შეუფერებელი დროა ასევე სარეკლამო ან საგამომცემლო საქმიანობისათვის. ამ პერიოდში რთულია პოპულარობის მოხვეჭა.
ვენერა- იუპიტერის ასეთი ურთიერთასპექტაციის დროს არასასურველია საკვების გადაჭარბებული მიღება, რადგან ასეთ შემთხვევაში ღვიძლზე შესაძლოა ზედმეტი დატვირთვა მოგივიდეთ. ასევე მოერიდეთ ალკოჰოლურ სასმელებს.
ასპექტის ზეგავლენის პიკი 4 თებერვალს უწევს. მერე დაშლაზე მიდის და ძალას თანდათან კარგავს."