დემნა გვასალიას მაღალქუსლიანი კროქსები ბაზარზე გამოსვლამდე ერთ დღეში სრულად გაიყიდა

შოუ ბიზნესი - 12:33, 03 Feb, 2018

9752

მაშინ, როცა თითქოს ვიფიქრეთ, დემნა „მაიმუნობას“ შეეშვა, მოდის სამყარი კიდევ ერთხელ ჩააგდო შოკში. დემნა მსოფლიოს დატროლვას ისევ განაგრძობს და ბოლო კოლექციაში მაღალქუსლიანი კროკსები წარადგინა და Balenciaga-ს ლოგოც მოარგო. გუშინ კი ექსკლუზიურად Barneys New York-ში „ბალენსიაგას” კროქსების წინასწარ შეკვეთა გახდა შესაძლებელი და მოემზადეთ! წინასწარ შეკვეთებით, 850 დოლარად შეფასებული კროქსები რამდენიმე საათში სრულად გაიყიდა.

ხომ ვთქვით, დემნას მაღალქუსლიანი კროსკები სეზონის ჰიტი გახდებოდა, ბებოს ჩანთის და სანთება-ფეხსაცმლის მსგავსად.

ქართველ დიზაინერს, Vetements-ისა და Balenciaga-ს შემოქმედებით ხელმძღვანელს დემნა გვასალიას მსოფლიო მოდის ინდუსტიაში კარგად იცნობენ. მისი არაორდინალური კოლექციები მოდის ექსპერტებში მუდმივად განხილვის და აღფრთოვანების საგანია.

კოლექციები, ქართველებისთვის ხშირად ღიმილის მომგვრელია ,რადგან მარტივად აღმოაჩენთ 90-იანი წლების დეტალებს. დემნას კოლექციებში შეგვიძლია ვიხილოთ, მანქანის სარკე-ჩანთები, „კოვრიკი“ კაბები, 90-იანი წლების მაგიდის გადასაფარებლის კაბები და ფეხსაცმელები, სანთებელა-ფეხსაცმელები და ე.წ. ლილოს ჩანთები.