ნიუ-იორკში , მერვე სართულიდან მთვარეული გადავარდა.

New York Post-ის ცნობით, შემთხვევა 27 იანვარს, გამთენიისას მოხდა. 35 წლის რენდი ფოტისეინი, საკუთარი ბინის ფანჯრიდან მძინარე გადავარდა და მეორე სართულზე, ისე დაენარცხა ე.წ. სამშენებლო ხეებს, არც კი გაღვიძებია.

მან მხოლოდ ფეხი და თეძო მოიტეხა.

როგორც მისი ძმა აცხადებს, რენდი ბავშვობაში მთვარეული იყო, თუმცა დიდი ხანია ძილში აღარ დადის. რენდის დედაც აცხადებს, რომ წარმოდგენაც არ აქვს, როგორ მოახერხა ადგომა, ფანჯრის გაღება და დაგახტომა, იმის გათვალისწინებით, რომ რენდის მეგობარმა გოგონამ აღნიშნა, იმ საღამოს, დაწოლის წინ, რენდიმ საძილე აბები მიიღო.

რენდი საავადმყოფოში მოათავსეს. მის სიცოცხლეს საფრთხე არ ემუქრება.