საქტატის ინფორმაციით, წლიური ინფლაციის დონემ 4,3 პროცენტი შეადგინა

ბიზნესი & ეკონომიკა - 11:45, 02 Feb, 2018

1543

საქტატის ინფორმაციით, 2018 წლის იანვარში წინა თვესთან შედარებით ინფლაციის დონემ საქართველოში 0,6 პროცენტი, ხოლო წლიური ინფლაციის დონემ 4,3 პროცენტი შეადგინა.

მოცემულ პერიოდში ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:

სურსათი და უალკოჰოლო სასმელები: ჯგუფში ფასები გაიზარდა 1,7 პროცენტით, რაც ინფლაციის მთლიან მაჩვენებელზე 0,52 პროცენტული პუნქტით აისახა. ფასები გაიზარდა ქვეჯგუფებზე: ხილი და ყურძენი (9,8 პროცენტი), ბოსტნეული და ბაღჩეული (5,3 პროცენტი), რძე, ყველი და კვერცხი (3,0 პროცენტი), შაქარი, ჯემი და სხვა ტკბილეული (1,0 პროცენტი);

საცხოვრებელი, წყალი, ელექტროენერგია, აირი: ჯგუფში ფასები გაიზარდა 2,7 პროცენტით, რაც ინფლაციის მთლიან მაჩვენებელზე აისახა 0,21 პროცენტული პუნქტით. ფასები გაიზარდა

ელექტროენერგიის, აირის და სათბობის სხვა სახეების (2,5 პროცენტი), აგრეთვე წყალმომარაგების და საცხოვრებელთან დაკავშირებული სხვა მომსახურების (7,7 პროცენტი) ქვეჯგუფებზე;

ტანსაცმელი და ფეხსაცმელი: ფასები შემცირდა 2,1 პროცენტით. შესაბამისად, ჯგუფის წვლილმა ინფლაციის მთლიან მაჩვენებელში -0,08 პროცენტული პუნქტი შეადგინა. ჯგუფში ფასები შემცირდა როგორც ფეხსაცმლის (-3,5 პროცენტი), ისე ტანსაცმლის (-1,5 პროცენტი) ქვეჯგუფებზე.

სრულად იხილეთ აქ: