ნიჟნი ნოვგოროდში ტერორისტული დაჯგუფება „ისლამური სახელმწიფოს“ წევრი მოკლეს. ამის შესახებ ინფორმაციას რუსეთის უსაფრთხოების ფედერალური სამსახური (ФСБ) ავრცელებს.

გავრცელებული ინფორმაციით, ტერორისტი ერთ-ერთი მეზობელი ქვეყნის მოქალაქეა და ის თავდასხმას რუსეთის საპრეზიდენტო არჩევნების დღეს გეგმავდა. დაკავებისას მან ძალოვნებს შეიარაღებული წინააღმდეგობა გაუწია, რის გამოც მისი ლიკვიდაცია მოახდინეს.

ლიკვიდირებულ პირს აღმოაჩნდა თვითნაკეთი ასაფეთქებელი მოწყობილობა, რამდენიმე ბომბის დასამზადებელი კომპონენტები, ცეცხლსასროლი იარაღი და საბროლო მასალა. საქმე ISIS-ის წევრობისა და ტერაქტის მომზადების ფაქტზეა აღძრული.