strana.ua-ს რედაქტორმა უკრაინა დატოვა და თავშესაფარი ავსტრიაში ითხოვა

მსოფლიო - 11:22, 01 Feb, 2018

1543

უკრანული ოპოზიციური საინფორმაციო სააგენტო strana.ua-ს რედაქტორმა უკრაინა დატოვა და თავშესაფარი ავსტრიაში ითხოვა. ამის შესახებ ცნობილი ხდება წერილში, რომლითაც strana.ua-ს რედაქციამ პრეზიდენტ პეტრო პოროშენკოს მიმართა.

„თქვენი ბრძანებით რეტაქტორის წინააღმდეგ მოხდა 5 სისხლის სამართლის საქმის ფაბრიკაცია და ის რამდენიმე დღე ციხეშიც იყო, რედაქციაში და ჟურნალისტების სახლებშიც ტარდება უკანონო ჩხრეკები. თქვენს მიერ კონტროლირებადი დაჯგუფებების და პირების მხრიდან ვიღებთ ფიზიკური ანგარიშსწორების მუქარებს, სამართალდამცავებისთვის დაცვის თხოვნით მიმართვა კი უპასუხოდ რჩება. თქვენი მიზანი ჩვენი შეშინება და ჩვენი სარედაქციო პოლიტიკის შეცვლაა და თუ ეს არ გამოვა მაშინ ჩვენი განადგურება და ჩვენი ხელმძღვანელობის ციხეში ჩასმა. ეს არ გამოგივათ“- ნათქვამია რედაქციის წერილში. მათი თქმით იგორ გუჟვა ვენაში მას შემდეგ წავიდა, რაც მას პრევენციული სასჯელის ვადა გაუვიდა და უფლება მიეცა უკრაინა დაეტოვებინა. იგორ გუჟვამ თავისი გადაწყვეტილება იმით ახსნა, რომ მან უკრაინაში დაკარგა სამართლიანი სასამართლოს იმედი.

შეგახსენებთ, გასული წლის 22 ივნისს strana.ua-ს რედაქციაში ჩხრეკა ჩატარდა, რის შემდეგაც გუჟვა საპატიროში გადაიყვანეს, გენპროკურატურის განცხადებით შუამავლის მეშვეობით გუჟვამ აიღო 10 ათასი დოლარი იმისთვის, რომ არ გაევრცელებინა კომპრომატი „რადიკალური პარტიის“ წევრ დეპუტატ დმიტრი ლინკოზე.

იგორ გუჟვას მხარდაჭერა გამოუცხადა ექსპრეზიდენტ ვიქტორ იანუკოვიჩის ადმინისტრაციის ხელმძღვანელის ყოფილმა მოადგილემ ანდრეი პორტნოვმა, მისი თქმით გუჟვას წინააღმდეგ დევნა პოლიტიკურ ხასიათს ატარებს და უკრაინის ხელისუფლება ვერ შეძლებს გუჟვას დანაშაული დაამტკიცოს.