თურქეთის არმიამ სირიის აფრინის რეგიონში 400-მდე ქურთი მებრძოლი გაანადგურა. ამის შესახებ განცხადება ქვეყნის პრეზიდენტმა რეჯეპ ტაიპ ერდოღანმა მხარდამჭერების წინაშე სიტყვით გამოსვლისას გააკეთა.

მან ასევე არ გამორიცხა, რომ არმიის ქვედანაყოფებმა იდლიბის მიმართულებითაც განახორციელონ შეტევა.

რეჯეპ ტაიპ ერდოღანის თქმით, მხოლოდ ბოლო 24 საათში თურქეთის არმიამ რეგიონში 42 სამიზნე გაანადგურა. საბრძოლო მოქმედებების დაწყების შემდეგ თურქეთის შეიარაღებულმა ძალებმა და მისმა მოკავშირე სირიის თავისუფლების არმიამ, საერთო ჯამში, 20 ჯარისკაცი დაკარგეს.